Katla Hreidars í Barcelona

Eftir 22 daga frí á Íslandi sem samanstóð af flutningum í nýtt heimili okkar Gunna, umsókn í vinnu sem ég og fékk, 4 fermingaveislur, 1 fimmtugsafmæli, vinaheimsóknum, djammi (misvel heppnuðu þar sem svefninn tók yfirhöndina í einu þeirra), sundferðum, labbi (í litlu magni), 1 ferð í ræktina með Maríu sem var greinilega nóg því ég var með verki í viku og var ekkert að drífa mig aftur allt þatta blandað ægilegu magni af mat, kökum og fermingagúmmelaði í bland við knús og kúr hjá kallinum, verð ég að segja að þetta var ansi vel heppnuð ferð!
Lenti hérna í gær á Barcelona flugvelli í svörtu og fór út í 22 stiga hita og áttaði mig á því að svartur fatnaður er ekkert mikið í boði lengur, því eins og veðrið er í dag þá sýnist mér þetta komið til að vera. Spáin er allavega þokkaleg f næstu daga og vona ég að það verði margir viðbrenndir strandardagar framundan.
Lærigeðveikin er strax komin á fullt aftur og byrjaði það með tíma í hönnunarsögu og vorum við Edda bókstaflega að sofna, meira að segja kennaranum finnst þessi tími svo leiðinlegur að hann geyspar í miðjum fyrirlestri, getið rétt ímyndað ykkur hvernig þetta er fyrir okkur Íslendingana og aðra nemendur sem vildu miklu frekar vera á ströndinni að sötra sangríu. Helgarnar fara þá í það bara..

Feliz Sant Jordi

Dagurinn í dag heitir St Jordi og er svolítið sérstakur, þó þetta sé vinnudagur þá er partýstemmning í loftinu og Catalanarnir njóta þess að labba um göturnar í síestunni og versla rósir handa stelpunum og bækur fyrir strákana. Það er neflinlega hefðin og eru því göturnar þaktar í rósasölum og bókaborðum.

Dagurinn er tileinkaður Saint George, hugrakkur riddari sem hafði sérstakan áhuga á fögrum prinsessum og alls engan tíma né þolinmæði í eldspúandi dreka. Talið er að St George hafi verið rómanskur stríðsmaður upprunalega frá Armeníu sem nú er Tyrkland, allavega hann gerðist kristinn og var talinn einn merkilegastur kristinna manna.

Sagan segir að fyrir löngu löngu síðan í Catalónska þorpinu af Montblanc lifði dreki. Frekar pissed, eldspúandi vera sem hafði eignað sér helli nálægt bænum og til að halda honum slökum gáfu þorpsbúar honum rollur og geitur en fyrr en varir var það ekki nóg, hann vildi unga, óspjallaða mey. Konungur landsins skrifaði þá nöfn allra ungra óspjallaðra meyja á blað og setti í hatt og svo var bara dregið nafn, ekkert annað en sanngjarnt! Að sjálfsögðu, eins og góðri sögu sæmir, var stúlkan sem var dregin engin önnur en dóttir hans, prinsessan. Eftir mikið væl í pabbanum, kónginum sjálfum, sagðist dóttirin ekki vera nein gunga og vildi fórna sér fyrir bæinn.

Drekinn sleikti útum þegar hann sá máltíðina nálgast, gangandi inn í hellinn. En það sem drekinn vissi ekki var að St George átt einmitt leið um bæinn á þessum tíma með ægilega beitt sverð og gerði sér lítið fyrir og stútaði dreka gamla.
Frá blóðpolli drekans spratt þessi líka fallegi rósarunni og valdi George fallegustu rósina til að gefa prinsessunni sem tákn um ást sína.

Dagurinn í dagi er einnig þekktur sem rósafestivalm göturnar fyllast af rósasölum og á torgunum eru spiluð ástarlög og yfir 4 milljónir rósa eru seldar á þessum degi, ár hvert.

Árið 1923 var Sant Jordi dagurinn sameinaður hinum alþjóðlega bókadegi tileinkaður William nokkrum Shakespeare og Miguel Cervantes sem báðir létust 23 apríl.

Hressandi lesning, alltaf gaman að fá smá svona fróðleik J
Later duudes, slurp slurp

Það er einhver gredda í loftinu hérna í Barcelona! Við Eddie erum með kennara sem er að kenna okkur ljósmyndun, og ég er að segja ykkur það að maðurinn er með svona sexappeal eins og Sean Connery! Og á meðan við slurpum yfir honum þá slurpa sænsku stelpurnar yfir spænsku strákunum sem eru með okkur í þessum kúrsi! Inga roomy fer á deit og slurpar þar, það er eins og ég segi einhver gredda í loftinu hérna. Sem er náttúrulega bara gaman. Svo fer maður inn á bloggið hennar Köllu og þar les maður um femínista og klám, og síðan er öll myndskreytt kellingum með brjóstin í einhverjum þveng sem óneitanlega minnir mig á deig í kökuformi. Eftir allar þessar pælingar ákvað ég að athuga hvort ég fyndi ekki eithtvað meira krassandi til að setja hérna inn á síðuna og deila með ykkur greddunni og mögulega smita all hressilega til Íslands. Það sem eg fann hef ég litla trú á og verð að vona að komi ekki greddunni í gang hjá ykkur.

Þessi listaverk sem þið sjáið hérna fyrir neðan, fín eins og þau eru kannski, þá er efniviðurinn kannski ekki sá algengasti. Nei dömur og herrar, þessi listsköpun hefur líklega orðið vinsælli og auðgerðari, þar sem efniviðinum er auðveldara safnað saman með "Keeper" þ.e. bikarinn kunni sem fæst auðveldlega á www.femin.is Já það er rétt, þessi myndverk eru máluð með túrblóði!

Mér finnst þetta svo ótrúlega heillandi eitthvað, náttúrulega ógeðslegt á sinn hátt, en jesús, ég get bara ekki annað en hlegið! Þvílík hugmynd..

Ég sé þetta bara fyrir mér, hún fer inn á klósett og tæmir bikarinn, í krukku sem hún síðan geymir, og hún verður að fara sparlega þar sem hún fær ekki möguleika á mikið meira í dolluna fyrr en að mánuði liðnum, svo nú er eins gott að fara vel með "málninguna" og ég vona svo bara að hún þrífi penslana vel eftir á!...

Ég var vafrast eitthvað hérna um á netinu og fann alveg ægilega skemmtilegt blogg hjá íslenskri stelpu sem ég bara gjörsamlega datt inn í. Hún skrifar á síðuna sína um mörg mismunandi málefni, greinilega Sirkus aðdáandi og stundandi svo hún er svona þannig týpa, með sterkar skoðanir og ekki feimin við þær. Hún skrifar um eitthvað trend sem heitir "corset piercing". Verð ég að segja það að þar sem ég er sjálf með gat í naflanum og man lítið eftir þeirri varla frásanaglega færðu aðgerð eða sársaukanum sem fylgdi því (sem var nú víst ekki mikill ) en þá myndi ég ALDREI láta mér detta það í hug að gera þetta við líkama minn. Þetta er eitt af því allra ægilegasta sem ég hef séð!

Ef þið viljið vita meira um þetta greinilega sársaukafulla tískufyrirbæri þá versogú..

Ég kveð með verk í ástarhandföngunum mínum.. íííask!

Svaaaaakaleg bíómynd!

Þetta er algjört möst fyrir alla að sjá: Pans Labyrinth http://www.panslabyrinth.com/

Hún er á spænsku, og kom mér alveg svakalega á óvart, þetta er ævintýri fyrir fullorðna, frekar brútal, en ótrúlegar tæknibrellur og litla leikkonan er fáranlega góð!

Tékk it át people!

Annars er ég bara að drukkna í lærdómi, á að skila lokamöppu á þriðjudaginn og fleiri stór verkefni fylgja þar stutt á eftir, en stefni svo á að koma heim um páskana og ég get ekki beðið!!

Verður æði að koma og sleðast kannski aðeins á kalda Íslandi, gaman að því :)

Þangað til næst, adios